Senatori Murphy: Lidhja e pathyeshme mes SHBA-së dhe Kosovës

Senatori amerikan kishte cilësuar vizitën e Kurtit si rikujtim të marrëdhënieve të pathyeshme ndërmjet Shteteve të Bashkuara të Amerikës dhe Kosovës

Albin Kurti është takuar me senatorin Chris Murphy, me të cilin diskutoi për avancimin e mëtejmë të marrëdhënieve të veçanta ndërmjet dy vendeve.

Të ejten, Kryeministri i Kosovës, Albin Kurti, ka zhvilluar një takim me senatorin amerikan Murphy, takim për të cilin ka shkruar edhe vetë senatori.

“Kënaqësi të bisedoj me mikun tim Albin Kurti, kryeministrin e Kosovës. Ai po bën një turne të madh në Shtetet e Bashkuara për të na kujtuar lidhjen e pathyeshme mes Amerikës dhe Kosovës”, ka shkruar senatori.

Ndërkaq, për këtë takimin me senatorin ka njoftuar edhe Zyra për media e Kryeministrisë.

Sipas njoftimit nga Zyra e Kryeministrit, Kurti e ka njoftuar senatorin Murphy për vendimin e fundit të Qeverisë mbi vendosjen e sanksioneve shtesë  në përputhje me paketën e sanksioneve të SHBA-së dhe BE-së ndaj Rusisë.

Kryeministri Kurti ka biseduar edhe për takimet me investitorë potencialë në SHBA, me theks tek ata të fushës së Teknologjisë së Informacionit.

Senatori amerikan ka thënë se vizita e kryeministrit Kurti është rikujtim i marrëdhënieve të pathyeshme ndërmjet Shteteve të Bashkuara të Amerikës dhe Kosovës.

Kryeministri Kurti e kishte pritur në vizitë në Kosovë senatorin Murphy në prill të këtij viti.

Senatori amerikan, Chris Murphy kishte deklaruar se është urgjente për Kosovën të anëtarësohet në NATO, për të siguruar mbrojtjen e saj.

Kurti në takim me senatorin Murphy, diskutojnë raportet Kosovë-ShBA

Shija e redaktorit

Hapet Baza Ajrore e NATO-s në Kuçovë të Shqipërisë

Më 4 mars u hap zyrtarisht baza ajrore e NATO-s në Kuçovë, një “investim i madh që do të shërbejë për përmirësimin dhe modernizimin...

Mogherini bëhet me nënshtetësi shqiptare

Kryeministri i Shqipërisë, Edi Rama, i ka ofruar rektores së Kolegjit të Evropës, Federica Mogherini, nënshtetësinë shqiptare. Ai e ka falënderuar për këtë projekt të...

Realizohet fotografia familjare e samitit në Tiranë

Siç e do zakoni, pjesëmarrësit në samitin “Ukrainë-Europa Juglindore”, që po mbahet në kryeqytetin e Shqipërisë, Tiranë, kanë realizuar “fotografinë familjare” Presidenti i Ukrainës,  Vlodymyr...

Të fundit nga rubrika