Komisioni Qendror i Zgjedhjeve ka thënë se janë në pritje të njoftimeve nga zyrtarët komunalë të zgjedhjeve, të cilët të martën e gjashtë dhjetorit, nën përcjelljen e Policisë së Kosovës, kanë shkuar në zyrat e tyre, në Mitrovicë të Veriut dhe në Zubin Potok, “me qëllim të ushtrimit të detyrave zyrtare, por kjo nuk ishte e mundur”.
Në këto raporte do të sqarohet situata e krijuar.
Kështu ka bërë të ditur për Portali Dukagjini, zëdhënësi i KQZ-së, Valmir Elezi.
Ai ka thënë se “KQZ-ja është në koordinim të vazhdueshëm me institucionet e tjera”
Lidhur me situatën e krijuar, KQZ-ja do të mbajë mbledhje këtë të martë, me fillim në orën 18:00.
Në komunën e Zubin Potokut janë lëshuar sirenat e alarmit nga banorët lokalë serbë.
Kjo për shkak të tentimit të tyre për t’i mos lejuar zgjedhjet komunale që shteti i Kosovës është duke i organizuar atje, pas dorëheqjes së kryetarëve të komunave me shumicë serbe.
Sulmohet zyra e KQZ-së në Mitrovicën e Veriut, i thyhen dritaret (VIDEO)