Pamjet se si serbët e Kosovës këndojnë për Rusinë duke lartësuar figurën e saj janë publikuar nga drejtori i Institutit për Studimin e Kërcënimeve Hibride “Octopus”, Agim Musliu.
Me anë të një postimi në Facebook, Musliu ka publikuar pamje nga Manastiri i Draganacit e ku tregohen serbë gjersa bëjnë thirrje për pushtimin e Kosovës.
“Instituti për Studime të Luftës Hibride OCTOPUS, ka siguruar një video të ditëve të fundit, ku serbët në Manastirin e Draganacit (në veri të Gjilanit) këndojnë këngë ku madhërohet Rusia dhe kërkohet okupimi i Kosovës nga Serbia! Përveç kësaj, në këtë objekt ortodoks, priftërinjtë inkurajojnë fëmijët për këto motive duke i paguar!”, ka shkruar Musliu.