Mark Milley gjenerali amerikan ka treguar se presidenti i Ukrainës, Volodymyr Zelensky, ka thënë se çdo ditë në Ukrainë vriten rreth 100 deri 200 ushtarë, megjithatë ai ka refuzuar që të japë më shumë detaje për arsye sigurie.
Sipas Milley, Rusia deri më tani ka humbur rreth 20 deri 30 përqind të ushtarëve gjatë luftimeve në Ukrainë, përfshirë përqindjen thuajse të njëjtë edhe të mjeteve të blinduara.
Ndërkohë, që nga fillimi i luftës, sipas informacioneve të Ukrainës, ushtria ruse ka humbur mbi 31 mijë e 500 ushtarë.
”Mbi 212 avionë, 178 helikopterë, 1 mijë e 319 tanke, 3 mijë e 429 mjete të blinduara, 703 topa, 213 sisteme raketahedhëse dhe 96 sisteme të mbrojtjes ajrore”.
Veç kësaj, Ukrania po mundohet që të mbrohet nga forcat pushtuese ruse, ndërsa edhe ajo në baza ditore humb nga 100 deri 200 ushtarë në mbrojtje të vendit.
Presidenti i Ukrainës, Volodymyr Zelenskyy u ka bërë thirrje vendeve të perëndimit që t’i dërgojnë sa më shumë armë të rënda.