Presidenti amerikan, Donald Trump, ka urdhëruar dërgimin e 2,200 marinsave amerikanë dhe një flote anijesh ushtarake drejt Lindjes së Mesme, ndërsa Shtetet e Bashkuara po ushtrojnë presion ndaj Iranit.
Uashingtoni gjithashtu ka shpallur një shpërblim prej 10 milionë dollarësh për informacion rreth “Ayatollahut të ri” të regjimit iranian, ndërkohë që sulmet e mëdha të përbashkëta amerikano‑izraelite vazhdojnë të godasin objektiva ushtarake dhe qeveritare, shkruan The Sun, transmeton Dukagjini.
Departamenti Amerikan i Shtetit ka shpallur një thirrje për informacion mbi disa “liderë terroristë iranianë”, duke përfshirë edhe Mojtaba Khamenei.
Shpërblimi për informacion të vlefshëm arrin deri në 10 milionë dollarë, ndërsa personat që ofrojnë informacion mund të përfitojnë edhe mundësinë për “rilokim”.
Sipas njoftimit, këta individë “komandojnë dhe udhëheqin pjesëtarë të ndryshëm të Forcave të Gardës Revolucionare Islamike të Iranit (IRGC), të cilët planifikojnë, organizojnë dhe kryejnë aktet terroriste në mbarë botën”.
Zyrtarët për të cilët SHBA po kërkon informacion përfshijnë:
Esmail Khatib – Ministër i Inteligjencës
Ali Asghar Hejazi – Zv. Shef i Shtabit
Yahya Rahim Safavi – Major Gjeneral
Eskandar Momeni – Gjeneral
Ali Larijani – Sekretar i Këshillit Suprem