Shefi i Misionit të EULEX-it, Lars-Gunnar Wigemark, ka reaguar për zhvillimet e fundit në veri të Kosovës, si pasojë e të cilës janë plagosur disa pjesëtarë të KFOR-it.
Ai ka deklaruar se i dënon sulmet e paprovokuara ndaj pjesëtarëve të KFOR-it, teksa shton se “sot sundimi i ligjit u shkel në Kosovë”.
“Dënoj sulmin e sotëm të pakuptimtë dhe të paprovokuar ndaj pjesëtarëve të KFOR-it dhe u uroj ushtarëve të plagosur shërim të shpejtë. NATO-ja është partneri kryesor i sigurisë së EULEX-it t së bashku me Policinë e Kosovës. Ne koordinohemi dhe stërvitemi së bashku. Sot sundimi i ligjit u shkel në Kosovë”, shkroi ai në Twitter.
I condemn today’s senseless and unprovoked attack on KFOR members and wish the injured soldiers a speedy recovery. @NATO_KFOR is the main security partner of #EULEX together with the Kosovo Police. We coordinate and train together. Today rule of law was trampled on in Kosovo 🇽🇰! https://t.co/WJleCJHiVW
— Lars-Gunnar Wigemark (@LarsGWigemark) May 29, 2023