Shefi i Shtabit të Përgjithshëm të ushtrisë serbe, Milan Mojsiloviq, në një konferencë për media ka thënë se kërkojnë nga KFOR-i që të marrin masa urgjente për mbrojtjen e serbëve në Kosovë.
Mosjsilovi ka bërë të ditur se e ka informuar komandantin e KFOR-it se janë duke i përcjellë ngjarjet e fundit në veri të Kosovës,
“Terrori nga Kurti nuk është më fizikisht i durueshëm. Në pajtim me të gjitha faktet, dhe për shkak të bashkëpunimit korrekt dhe profesional që kemi, e informova komandantin e KFOR-it që po përcjellim ngjarjet me ankth të madh dhe kërkojmë masa urgjente nga ta për të mbrojtur popullin serb dhe të drejtën e tyre të mbijetesës. Kjo është lutja jonë për njësitet e KFOR-it dhe institucionet e tjera të sigurisë në Kosovë”, ka thënë ai.
Sipas tij, bashkësia ndërkombëtare nuk është duke i përmbushë obligimet e veta, ndryshe nga ushtria serbe, e cila “është duke i përmbush”.
“Kërkojmë që të merren masa urgjente për mbrojtjen e popullatës serbe. Ushtria serbe i përmbush të gjitha obligimet ligjore nga Rezoluta 1244. Është e qartë se bashkësia ndërkombëtare nuk po i përmbush obligimet e veta. Nëse Forcat e Armatosura marrin urdhër nga Komandanti Suprem, ato do të kryejnë të gjitha detyrat e tyre në lidhje me krizën e përgjithshme të sigurisë”.