Pasojat e tërmetit që e goditi Turqinë dhe Sirinë të hënën janë të mëdha. Numri i viktimave ka shkuar në më shumë se 500 në të dyja vendet.
Të paktën 284 persona kanë vdekur dhe më shumë se 2,300 janë plagosur në Turqi, sipas nënpresidentit të vendit, Fuat Oktay.
Në Siri, të paktën 237 njerëz u vranë dhe 639 u plagosën, njoftoi agjencia shtetërore siriane e lajmeve SANA, duke cituar një zyrtar të Ministrisë së Shëndetësisë.
Numri i përgjithshëm i të vdekurve në Turqi dhe Siri tani është të paktën 521.
Tërmeti është një nga më të fortët që ka goditur Turqinë në më shumë se 100 vjet dhe shkaktoi lëkundje në të gjithë rajonin, duke shembur ndërtesa dhe duke i bërë banorët të vrapojnë në rrugë.
Më shumë se 1,700 ndërtesa u dëmtuan në 10 qytete turke, tha zëvendëspresidenti turk.
Spitalet janë mbingarkuar pas tërmetit vdekjeprurës, thotë Shoqëria Mjekësore Siriane Amerikane
Shoqëria Mjekësore Siriane Amerikane (SAMS) tha se spitalet e saj në Siri “janë të mbingarkuar me pacientë që mbushin korridoret” pas tërmetit të fuqishëm që goditi të hënën.
“Ka një nevojë të menjëhershme për furnizime traumatike dhe një përgjigje gjithëpërfshirëse emergjente,” tha organizata e ndihmës në një deklaratë.
“Shumë spitale janë plot, por disa objekte kritike, duke përfshirë Spitalin Al Dana duhej të evakuonin pacientët pasi pësuan dëme të rënda nga tërmeti. Po kështu, Materniteti Idleb u detyrua të transferonte të gjithë të porsalindurit në një spital aty pranë”.
