Aktori, Shkumbin Istrefi, i ftuar në emisionin “Reload” në RTV Dukagjini, ka kujtuar momentet nga fillimet e serialit të njohur “Kafeneja Jonë”.
Aktori njoftoi se regjisor i serialit ishte Mentor Shala dhe së bashku me të e kishin krijuar serialin, derisa Astrit Kabashi ishte skenaristi i serialit “Kafeneja Jonë”.
Ai ka thënë se më vonë ishte dhe producent i serialit, derisa ka treguar se për një episod të serialit provat kanë zgjatur një javë.
“Kemi qenë tri-katër javë në avanc, episoda që është emituar ka qenë katër javë më herët e xhiruar, kështu që na ka mundësuar që të ndjekim aktualitetin”, ka shtuar ai.
Aktori ka rrëfyer se shpeshherë i kishin krahasuar edhe me “The Simpsons”, sepse u kishin paraprirë ngjarjeve.