Ministria e Shëndetësisë së Palestinës ka njoftuar për viktima nga një shpërthim i madh në kampin e refugjatëve “Jabalia” në Gaza.
Ky kamp është më i madhi nga tetë kampet e refugjatëve të Gazës, dhe pak më shumë se 116 mijë refugjatë palestinezë janë regjistruar atje nga OKB që nga korriku i vitit 2023.
Sipas ministrisë ky shpërthim ishte shkaktuar nga një sulm ajror izraelit.
Në disa foto të realizuar nga një fotograf i Reuters duket se një zonë e konsiderueshme e kampit të refugjatëve “Jabalia” është rrafshuar.
Dhjetra njerëz po kërkohen nën rrënoja, raporton BBC, përcjellë Dukagjini.