Shpërthime në Kiev dhe Lviv

Pavarësisht tërheqjes së forcave ruse nga kryeqyteti ukrainas, sulmet ajrore kanë vazhduar. Qytetarët e Kievi-t dhe Lvivi-t, janë zgjuar nga shpërthimet e fuqishme të radhës.

Përmes kanaleve zyrtare në Telegram, kryetari i kryeqytetit dhe ai i Lviv-it kanë raportuar për bombardimet.

Fillimisht, ka qenë Vitali Klitschko, ai i cili tha se në kryeqytet janë duke ndodhur shpërthime qysh nga mëngjesi i 16 prillit dhe se zona e goditur është ajo e Darnytskyi-t dhe rrethina e saj.

Pavarësisht se ekipet e shpëtimit gjenden në rajon. Ende nuk ka ndonjë bilanc të shpërthimeve.

Maksym Kozytskyi, kryetari i Lviv-it nga ana tjetër, ka bërë të ditur pak minuta pas Klitschko-s se qyteti të cilin e drejton është goditur pa ndërpre nga ora 5: 45 deri në 7:00.

Kryetari i qytetit perëndimor të Ukrainës ka bërë të ditur se sistemi kundërajror i vendit është duke funksionuar. Edhe në Lviv ashtu sikurse në Kiev, ekipet e shpëtimit janë në teren, por që ende nuk dihet për bilancin e mundshëm të viktimave apo edhe dëmeve të shkaktuara nga bombardimet.

Edhe në Lviv, bombardimet ruse janë bërë tashmë një rutinë.

Vatra kryesore e luftimeve mbetet qyteti dhe rrethinat e Mariupol-it.

Viktimat mes dy palëve luftuese janë të larta. Edhe vrasja e civilëve të mbetur të rrethuar prej kohësh është e lartë por ende nuk ka ndonjë bilanc. Ajo çfarë ka ndodhur në Bucha, dyshohet se ka ndodhur edhe në Mariupol por, se me më shumë viktima.

Shija e redaktorit

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Mark Rutte do të jetë në krye të NATO-s

Mark Rutte do të jetë sekretari i ardhshëm i Përgjithshëm i NATO-s, pasi të 32 anëtarët e aleancës ranë dakord që kryeministri holandez në...

Nëna e Leotrimit: Djali im paska qenë i krejt Kosovës

Gjatë së martës, më 18 qershor, që shënonin 25-vjetorin e Ditës së Çlirimit të Skenderajt, është përuruar shtatorja Leotrim Ahmetit, 7-vjeçarit të vrarë gjatë...

Të fundit nga rubrika