Dy fëmijë janë shpëtuar nga teleferiku në Pakistan, ka konfirmuar oficeri policor Muhammad Amjad.
Dy fëmijë janë shpëtuar nga një grup prej gjashtë fëmijësh dhe dy të rriturish që kanë mbetur të bllokuar në një teleferik të varur mbi një përroskë në Pakistan. Erërat e forta kanë penguar operacionin e pasigurt dhe perëndimi i diellit po afron.
Siç raporton BBC, mjekët janë të pranishëm po kryejnë kontrollin mjekësor. Lidhur me gjendjen e tyre, oficeri i policisë ka deklaruar se të dy fëmijët janë në gjendje të qëndrueshme.
Nga komandoja ushtarake janë bërë përpjekje për të vendosur një litar në të dy anët e teleferikut.
Fëmijët, të moshës ndërmjet 10 dhe 16 vjeç, po shkonin në shkollë në Battagram kur një nga kabllot u këput duke e lënë makinën të mbërthyer 274 metra mbi tokë.
Një djalë 16-vjeçar në makinë ka një sëmundje të zemrës dhe ka qenë pa ndjenja për të paktën dy orë, tha një i rritur i ngecur në makinë për BBC.
Ata janë bllokuar për më shumë se 10 orë – dhe një banor vendas i thotë agjencisë së lajmeve AFP se makina tani është “e pezulluar nga një litar i vetëm”.