17 zyrtarë policorë janë arrestuar të premten gjatë një aksioni të ndërmarrë nga Prokuroria e Posaçme kundër Korrupsionit dhe Krimit të Organizuar (SPAK) dhe Inspektorati Policor i Kosovës.
Në njoftimin e Prokurorisë, thuhet se janë dokumentuar 312 veprime korruptive të zyrtarëve policorë.
Si pasojë janë arrestuar 17 punonjës policor, 14 prej tyre kanë marrë masën e arrestit shtëpiak kurse tre të tjerë janë pezulluar nga puna.
“Nga hetimi janë dokumentuar 312 episode të veprimeve korruptive të punonjësve të policisë, të cilët favorizonin persona të ndryshëm për futjen e mallrave kontrabandë; persona që trafikonin automjete, sende të tjera të kundërligjshme; ndihmonin për të kaluar kufirin persona të ndryshëm me problematika ligjore për hyrjen dhe daljen e tyre ne vendet e BE-së”, thuhet në njoftim.
Të arrestuarit dyshohen për korrupsion dhe keqpërdorim të pozitës zyrtare.