Federata Shqiptare e Futbollit ka bërë të ditur se Shqipëria do të luajë një ndeshje miqësore me Suedinë si pjesë e përgatitjeve për Kampionatin Evropian Euro 2024.
Pas bisedimeve dhe negociatave me Federatën Suedeze, është arritur një marrëveshje për të zhvilluar këtë takim miqësor më 25 mars në stadiumin “Friends Arena” në Stokholm të Suedisë.
Orari i ndeshjes ende nuk është përcaktuar, por pritet që Federata Shqiptare e Futbollit të bëjë një njoftim në kohën e duhur.
Ky njoftim vjen si një pjesë e përgatitjeve të shqiptarëve për turneun prestigjioz “Gjermani 2024”.
Shqipëria, pas një paraqitjeje të shkëlqyer në fazën kualifikuese, ka siguruar vendin e parë në Grupin E dhe pjesëmarrjen në fazën e grupeve të Evropianit.
Në këtë turne, Shqipëria do të ballafaqohet me skuadrat e njohura si Italia, Kroacia dhe Spanja.
Ndeshja miqësore me Suedinë do të jetë hera e gjashtë që dy kombet do të përballen në një fushë futbolli.
Në ndeshjen e fundit miqësore, Shqipëria triumfoi me rezultatin 2-1.