Sekretari i Jashtëm i Mbretërisë së Bashkuar, Lord David Cameron, ka thënë se Shqipëria është një histori suksesi në disa aspekte.
Në një konferencë për media me kryeministrin Edi Rama, Cameron ka lavdëruar lidershipin e Shqipërisë në Këshillin e Sigurimit.
“Një nga arsyet pse dëshiroja të vija është që të festonim suksesin tuaj, sepse Shqipëria është një histori suksesi nga aspekti ekonomik, sukses në NATO, po ashtu keni bërë një punë të shkëlqyer dhe një lidership të madh në Këshillin e Sigurimit dhe për këtë dua t’ju falënderoj… Ajo çfarë mund të them unë është se kjo ka qenë, është dhe do të jetë një nga partneritetet më të frytshme dhe më pozitive për ne, për eksportet janë rritur në 20 për qind… është një marrëdhënie pozitive edhe nga aspekti i mbrojtjes dhe puna që ne po bëjmë për të arritur anëtarësimin e Ukrainës në NATO, por edhe për mbështetjen e drejtpërdrejt që ne i japim njëri-tjetrit… ne me kënaqësi po ndihmojmë edhe modernizimin e gjyqësorit tuaj ndërkohë që ju vazhdoni reformat tuaja. Edhe për migracionin ka qenë një partneritet shumë i arrirë. Ekonomia juaj është rritur, sektori i turizmit do të jetë shumë i suksesshëm”, tha ai.
Sipas këndvështrimit të tij, kur Ballkani Perëndimor ia del mban, atëherë ai thotë se edhe Evropa ia del mban.
Por kur në Ballkan Perëndimor ka probleme, atëherë Cameron thekson se edhe në Evropë do të ketë probleme.
“Kam një këndvështrim të drejt dhe të thjesht qëkur Ballkani Perëndimor ia del mban, atëherë Evropa ia del mban. Në rast se ka probleme në Ballkanin Perëndimor, atëherë ka probleme edhe në Evropë sepse është në interesin tonë të përbashkët që të ndihmojmë me procesin e rritjes ekonomike dhe të mirëkuptimit dhe për mua kjo është përparësi”, shtoi më tej ai.