Një përballja e interesante do të zhvillohet sonte me fillim nga ora 20:45 në “Air Albania”, në Tiranë ku Izraeli është mysafire ne stadiumin e kombëtares shqiptare.
Kombëtarja shqiptare ka zhvilluar sot seancën e fundit stërvitore para ndeshjes së Ligës së Kombeve ndaj Izraelit, që do të luhet më datë 10 qershor 2022
Në prag të kësaj sfide të rëndësishme për kuqezinjtë, trajneri Edoardo Reja dhe mbrojtësi Berat Gjimshiti kanë dalë në konferencën zyrtare për media të enjten e 9qershorit ku kanë folur në lidhje me objektivat për këtë sfidë, me të dy njëzëri që kërkojnë vetëm 3 pikët.
Trajneri Reja analizoi përfaqësuesen izraelite, duke vënë në pah edhe se çfarë duhet të bëjë kombëtarja shqiptare, ndërsa theksoi se skuadrës sonë i mungon finalizimi. Gjithsesi, ekipi ka vlera të rëndësishme tha Reja në fjalën e tij, ndërsa foli edhe për sulmin Broja-Uzuni.