“Kthema adresën”, “Duam libra shqip”, “Dija nuk nostrifikohet”, “Të shtypur po, të nënshtruar jo”.
Këto ishin disa nga kërkesat e shqiptarëve të Luginës së Preshevës, të cilët kanë protestuar të hënën kundër diskriminimit nga Beogradi.
Në protestë ishin edhe deputeti i vetëm shqiptar në Parlamentin serb, Shaip Kamberi, kryetarja e Preshevës, Ardita Sinani, Nevzat Lutfiu, kryetar i Këshillit Kombëtar Shqiptar, Ragmi Mustafi i PDSH-së, Shqiprim Musliu i LPD-së e shumë personalitete të tjera nga jeta politike dhe shoqërore në Luginë.
“Serbia po shkel çdo normë ndërkombëtare duke ua mohuar shqiptarëve çdo të drejtë”, ka thënë Kamberi.