Presidenti i Sri Lankës, Gotabaya Rajapaksa, është larguar nga Maldivet për në Singapor, raporton BBC, transmeton Portali Dukagjini.
Rajapaksa kishte ikur në Maldive një ditë më parë mes protestave masive për krizën ekonomike të Shri Lankës.
Nuk është e qartë nëse ai do të qëndrojë në Singapor apo nëse do ta përdorë atë si një destinacion largimi.
Ai pak ditë më parë ishte zotuar të jepte dorëheqje deri të mërkurën, por nuk ka arritur të dorëzojë dorëheqjen zyrtare deri më tani.
Presidenti në detyrë Ranil Wickremesinghe të enjten vendosi një shtetrrethim për edhe një ditë të dytë.
Wickremesinghe u emërua ushtrues detyre i presidentit, pasi Presidenti Rajapaksa u largua. Vendimi shkaktoi protesta të mëtejshmem, duke kërkuar që ai gjithashtu të jepte dorëheqjen.
Ndërsa, një person kishte vdekur dhe 84 të tjerë u plagosën pas protestave të së mërkurës, të cilat u zhvilluan në pikat kryesore të kryeqytetit të Colombo, duke përfshirë shtëpinë e kryeministrit.
Për vite me radhë Shri Lankën e kishte kapluar një krizë ekonomike, e sipas analistëve, shumë vendime qeveritare ndërtonin të gjitha goditjet.
Për financimin e shërbimeve publike është marrë një shumë e madhe parash hua nga qeveria e Sri Lankës, gjatë dekadë së fundit. E gjithë kjo huamarrje ka shkaktuar goditje në ekonominën e Sri Lankës, që nga fatkeqësitë natyrore e deri te katastrofat e shkaktuara nga njeriu.