Nxënësit e klasave 1 deri në 5 të disa shkollave fillore në Gjilan kanë pasur mundësi që të njoftohen nga afër me lektyrat e reja të shtëpisë botuese “Dukagjini”.
Gjatë promovimit të këtyre librave, nxënësit kanë pasur mundësi të përgjigjen në disa pyetje që u bënë nga Jeta Zymberi.
Zymberi përfaqësuese e shtëpisë botuese, e cila moderoi këtë promovim foli më shumë rreth këtyre lektyrave.
“Kjo seri përbëhet nga 5 tituj për secilën klasë sot kemi ardh për ta promovuar para fëmijëve të këtij qyteti kemi ftuar 9 shkolla pjesmarrëse do i kemi edhe fëmijët edhe nxënësit…Janë 26 gjithsej secila klasë pra klasa e parë përbëhet nga 5 tituj e kështu me radhë, dmth gjithsej janë 26 tituj..”, ka thënë Jeta Zymberi- Shtëpia botuese “Dukagjini”.
Ajo tha se ditëve në vazhdim do jenë edhe në qytete të tjera.
“Është e para për vitin 2026 në dhjetorin e vitit 2025 kemi pasur edhe një seri të promovimeve në qytete të ndryshme të Kosovës, sot po e nisim me Gjilanin për të vazhduar më tutje me komunat e tjera në gjithë Kosovën.”, ka thënë Jeta Zymberi- Shtëpia botuese “Dukagjini”.
Edhe mësimdhënësit në Gjilan, vlerësuan këtë organizim dhe shprehën mirënjohje për kontributin e Dukagjinit në mësimnxënie.
“Kjo është një motivim që nxënësit tanë të dashur, të menqur e të zgjuar që të lexojnë sa më shumë libra, nga shtëpia juaj botuese “Dukagjini” duke e ditur në thelb që këto libra kanë mesazhe dhe porosi të qarta kanë përmbajtje edukativo arsimore.”, ka thënë Sadete Ahmeti- Mësimdhënëse.
Pos promovimit, në fund të kësaj ngjarjeje nxënësve iu shpërndanë dhurata simbolike nga Librari “Dukagjini”.
Ky aktivitet i promovimit të lektyrave për nxënësit e shkollave fillore, do të mbahet edhe në komuna të tjera të Kosovës.