KQZ-ja ka miratuar listën e qendrave të votimit për zgjedhjet e 23 prillit.
Sipas vendimit të KQZ-së, numri i përgjithshëm i qendrave të votimit në këto katër komuna është 19, prej tyre 6 janë qendra votimi të rregullta, ndërsa 13 qendra të tjera votimi janë alternative apo të vendosura në kontenjerë.
Lista e qendrave të votimit është përgatitur në koordinim me organet e sigurisë së Kosovës.
Po ashtu, aty është miratuar edhe numri i votuesve në një qendër votimi. Nga 750 votues në një qendër, tashmë do të bëhen 2 mijë.
Ndër të tjera, në mbledhjen e KQZ-së është vendosur që 43 mijë e 500 fletëvotime do të shtypen për zgjedhjet e jashtëzakonshme në katër komunat e veriut të Kosovës.