Instituti Kombëtar i Shëndetësisë Publike (IKSHPK) ka njoftuar se gjatë 24 orëve të fundit, në Kosovë janë regjistruar 12 raste pozitive me Covid-19.
Të shëruar në 24 orët e fundit nga koronavirusi janë pesë persona.
Po ashtu, IKSHPK-ja ka bërë të ditur se në 24 orët e fundit janë kryer 70 testime për Covid-19.
Ndërkaq, një ditë më parë, më 20 dhjetor, nga 65 testime për Covid-19 janë shënuar 10 raste pozitive.
Me dozën e parë të vaksinës janë vaksinuar 904 mijë e 510 qytetarë, me dozën e dytë janë vaksinuar 824 mijë e 946 të tjerë, me dozën e tretë janë vaksinuar 105 mijë e 421 të tjerë dhe me dozën e katërt janë vaksinuar 1 mijë e 899 të tjerë.
Ministria e Shëndetësisë u ka bërë thirrje qytetarëve që të vaksinohen ngase ditëve të fundit është shënuar rritje e rasteve të reja me COVID-19, dhe vaksinimi sipas MSH-së, është dëshmuar të jetë mënyra më e mirë dhe më efikase për të parandaluar infektimin nga COVID-19, format e rënda të sëmundjes dhe vdekjet nga COVID-19.