Ilir Daja do të vazhdojë të jetë trajner i Ballkanit. Trajneri nga Shqipëria ka nënshkruar kontratë të re me skuadrën deri në vitin 2026.
Lajmi është konfirmuar të hënën pasdite nga klubi në rrjetet sociale.
Daja e ka udhëhequr Ballkanin drejt sukseseve historike.
Ai e ka fituar dy herë rresht titullin kampion dhe është inkuadruar dy herë në grupet e Ligës së Konferencës.
Kampioni në fuqi i Kosovës aktualisht nuk po kalon momente të mira. Në tri ndeshjet e fundit ka dy barazime dhe një humbje.
Por, vazhdon të mbetet lider në tabelë me 45 pikë, një më shumë se Llapi që është e dyta. Zërat se Ilir Daja dhe Ballkani do t’i ndajnë rrugët, duket tashmë kanë marrë fund.