Një aksident i rëndë rrugor është regjistruar mbrëmjen e së dielës, në Reggio Emilia të Italisë, ku si pasojë e kanë humbur jetën katër anëtarë të një familjeje.
Sipas policisë italiane, viktimat janë me origjinë shqiptare, dhe bëhet fjalë për nënën dhe tre fëmijë të mitur 2, 10 dhe 12 vjeç, ndërkohë që i plagosur rëndë ka mbetur babai, i cili drejtonte makinën, raporton A2.
Ngjarja u regjistrua në Villa Gaida, ku makina e drejtuar nga shqiptari doli nga rruga dhe u përplas me një shtëpi të pabanuar.
Policia ka dalë në vendngjarje dhe po punon për zbardhjen e shkaqeve të aksidentit.