Sipas rezultateve të OMNIBUS-it, listës për opozitë më të fortë ndaj Kurtit po i prin Lumir Abdixhiku

Bazuar në një sondazh në kuadër të OMNIBUS-it, që realizohet nga UBO Consulting, për matjen e opinionit publik, opozitë më të fortë po bën kreu i LDK-së, Lumir Abdixhiku

Bazuar në një sondazh në kuadër të OMNIBUS-it, që realizohet nga UBO Consulting e të porositur nga RTV Dukagjini për matjen e opinionit publik se kush po bën opozitën më të fortë ndaj kryeministrit Albin Kurti, lideri i Lidhjes Demokratike të Kosovës(LDK), Lumir Abdixhiku, ka dalë i pari në listë, duke kryesuar me 29.6 për qind.

Sipas elektoratit, përkatësisht 1 mijë e 66 të të anketuarve, në vend të dytë është listuar kryetari i Partisë Demokratike të Kosovës (PDK), Memli Krasniqi, me 17.4 për qind, duke lënë pas kryetarin e Aleancës për Ardhmërinë e Kosovës (AAK), Ramush Haradinaj, me 16.3 për qind.

Kështu ka bërë të ditur drejtori ekzekutiv i RTV Dukagjinit, Ermal Panduri, në emisionin “Five” në RTV Dukagjini, teksa prezantoi të dhënat e fundit, ku RTV Dukagjini si porositës i sondazhit ka përfshirë disa pyetje.

“Fatmir Limaj po bën opozitë 3.6 për qind, Vjosa Osmani 8.3 për qind, Ramush Haradinaj 16.3 për qind, Memli Krasniqi 17.4 për qind, Lumir Abdixhiku 29.6 për qind, Hashim Thaçi 10.4 për qind, Kadri Veseli 2.8 për qind, dikush tjetër 11.5 për qind”, thekson Panduri.

OMNIBUS-i bëhet në baza të rregullta çdo tre muaj.

Të anketuar janë 1 mijë e 66 persona dhe të dhënat janë mbledhur në mes të datës 16 dhe 23 dhjetor.

Shija e redaktorit

Njohja nga Siria, ambasadori gjerman përgëzon Osmanin

Ambasadori i Gjermanisë në Kosovë, Rainer Rudolph, ka reaguar pas njohjes së paravarësisë së Kosovës nga Siria. Rudolph ka përgëzuar presidenten e vendit, Vjosa Osmani...

Kurti pritet nga Macron në Pallatin Presidencial në Paris

Kryeministri në detyrë i Kosovës, Albin Kurti, është pritur nga presidenti i Francës, Emmanuel Macron, në pallatin presidencial Elysee, ku mori pjesë në darkën...

Osmani pritet me nderime ushtarake në Riad të Arabisë Saudite

Presidentja e Kosovës, Vjosa Osmani është pritur me nderime ushtarake në vizitën e saj në Arabinë Saudite.  Ajo po qëndron në Riad, pas ftesës që...

Të fundit nga rubrika