Një sondazh i organizuar nga RTV Dukagjini në rrjetin social Facebook, lidhur me preferencat e qytetarëve në rast të mbajtjes së zgjedhjeve, ka mbledhur gjithsej 19 mijë e 28 vota.
Sipas gazetarit Ermal Panduri, votimi është hapur në orën 17:52, ndërsa rezultatet tregojnë një epërsi të theksuar të Lëvizjes Vetëvendosje.
Sipas të dhënave të publikuara, LVV ka marrë 13 mijë e 80 vota, që përbëjnë 68% të totalit. Partia Demokratike e Kosovës renditet e dyta me 17%, përkatësisht 3 mijë e 163 vota.
Ndërkohë, Lidhja Demokratike e Kosovës ka marrë 1,936 vota ose 11%, duke u renditur e treta. Aleanca për Ardhmërinë e Kosovës ka siguruar 2% ose 552 vota.
Nisma Socialdemokrate ka marrë 1% ose 70 vota, ndërsa presidentja Vjosa Osmani është renditur po ashtu me 1%, me gjithsej 269 vota.
Ky sondazh pasqyron një moment të caktuar të perceptimit publik në rrjetet sociale dhe nuk përbën matje zyrtare të opinionit.