Elbenita Kajtazi, është një ndër sopranot që gjithmonë i mban të informuar ndjekësit e saj përmes postimeve të ndryshme në rrjetet sociale.
Përmes një postimi në Facebook, ajo ka ndarë bashkë me ndjekësit një “moment të çmendur”.
“Mora një telefonatë që duhet me u nis direkt në Bordo për shkak që këngëtarja që do ta këndonte Sophie-n është e sëmurë dhe nuk mund të këndojë”, ka thënë Kajtazi në videomesazhin në Facebook.
Kajtazi ka kënduar mbrëmë në Teatrin e Bordos në Francë në rolin e Sophie-s të Operës Der Rosenkavalier të kompozitorit Strauss dhe se këtë këndim nuk e kishte planifikuar, por se ishte thirur për ta zëvendësuar këngtaren e cila ishte e sëmurë.
Ajo ka thënë që bota e artistëve është e çuditshme dhe se roli me të cilin është paraqitur nuk ka qenë fare i lehtë.
“Ende jam nën emocionet e mrekullueshme që kam përjetuar mbrëmë, ishte një mbrëmje që do e kujtoj gjithë jetën time si një ndër eksperiencat më të çmendura që kam pasur deri sot”.
”Direkt nga aeroporti në teatër, 20 minuta kohë me vesh fustanin dhe pa asnjë provë drejt në skenë me një rol sfidues si Sophie nga Der Rosenkavalier, çmenduri pra”, ka shkruar sopranoja Kajtazi.