Sot(e diele) më 21 janar do të zhvillohen dy ndeshjet e fundit të xhiros së 18-të në elitën e basketbollit kosovar.
Ekipi më në formë për momentin, Trepça, e cila nuk di për humbje që prej 10 xhirove radhazi. Mitrovicasit në shtëpi këtë herë e presin Vëllaznimin nga ora 19:00.
Xehetarët janë lider të tabelës bindshëm me 15 fitore e dy humbje, derisa gjakovarët janë të pestit(5) me tetë(8) fitore e nëntë(9) humbje.
Përballja e tjetër është mes Istogut e Sigal Prishtinës.
Në këtë ndeshje që luhet nga ora 17:00, bardh e kaltrit shihet favorit, duke e parë situatën tek Istogu që ka vetëm një fitore deri më tani dhe janë të fundit në tabelë.
Në krahun tjetër, Prishtina është e treta(3) në ndekje të pozitës së dytë, dallimi është një pikë.
Dje (të shtunën), Peja e mposhti në derbi Golden Eagle Yllin, derisa Bashkimi ishte bindshëm më i mirë se Prizreni në derbin lokal.