Kryeministri britanik Keir Starmer ka deklaruar se Mbretëria e Bashkuar qëndron fuqishëm përkrah Danimarka në mbrojtjen e Grenlandës, duke theksuar se vetëm Grenlanda dhe Danimarka kanë të drejtë të vendosin për të ardhmen e ishullit.
Komentet e tij erdhën si përgjigje ndaj deklaratave të presidentit amerikan Donald Trump, i cili ka sugjeruar se Grenlanda i nevojitet Shteteve të Bashkuara të Amerikës për qëllime mbrojtjeje.
“Grenlanda dhe Mbretëria e Danimarkës duhet të përcaktojnë të ardhmen e Grenlandës dhe askush tjetër”, u shpreh Starmer para gazetarëve.
I pyetur edhe për situatën në Venezuela, kryeministri britanik tha se tani i takon Shtetet e Bashkuara të Amerikës të arsyetojnë veprimet e tyre, ndërsa Britania, sipas tij, i gjykon shtetet e tjera mbi bazën e së drejtës ndërkombëtare.
Duke theksuar se situata është komplekse, Starmer deklaroi se qëndrimi i Londrës mbetet i pandryshuar: nevoja për një tranzicion paqësor dhe demokratik në Venezuelë.
“E drejta ndërkombëtare është korniza dhe standardi mbi të cilin ne vlerësojmë veprimet e të gjitha qeverive. Sigurisht që SHBA-së i takon të justifikojë veprimin që ka ndërmarrë. Nuk është një çështje e thjeshtë, është e ndërlikuar dhe vazhdon të zhvillohet”, tha ai.
Starmer shtoi se nuk pendohet që Nicolás Maduro nuk është më president i Venezuelës, por theksoi se synimi duhet të jetë krijimi i një qeverie më demokratike në vend.