Anëtari i Partisë Demokratike të Kosovës (PDK), Blerand Stavileci, ka komentuar gjuhën politike të kryeministrit në detyrë, Albin Kurti, duke thënë se po reflekton panik dhe frikë nga humbja në zgjedhjet e 28 dhjetorit.
Stavileci është shprehur i bindur se këtë herë, pas zgjedhjeve të 28 dhjetori, shumica do të formohet nga Partia Demokratike e Kosovës, e udhëhequr nga kandidati për kryeministër Bedri Hamza.
“Kjo gjuhë e kryeministrit në largim diçka tregon, nëse e analizojmë nga një këndvështrim tjetër. Do të thotë ka një panik. Atë që më së shumti ai e thoshte dhe iu referente në të kalurën, thoshte ‘nuk është e rëndësishme se kush del i pari, se kjo nuk është një garë automobilistike, por kush e ka shumicën për ta bërë qeverinë’.
Përsëri në këto zgjedhje do të jetë një garë për ta bërë shumicën, dhe jam i bindur që PDK-ja në krye me Bedri Hamzën do të bëjë shumicën shqiptare…”, ka thënë Satvileci.