Gjatë kësaj të shtuneje, në këto momente është duke ndodhur një stuhi e fortë në Prishtinë.
Për këtë gjendje atmosferike ka njoftuar edhe Instituti Hidrometeorologjik i Kosovës.
“Gjatë vikendit parashihet të mbajë mot i ndryshueshëm dhe mjaftë dinamikë. Kjo situatë vie si pasojë e vranësirave konvektive të cilat parashihen të formohen pasditen e së shtunes, për të vazhduar edhe ditën e dielë. Reshjet më intensive parashihen ditën e diele, ku do të ketë edhe shkarkime rrufesh, por edhe dita e shtune parashihet të ketë reshje në shum zona. Temperaturat minimale gjatë këtyre dy ditëve të vikendit do të lëvizin ndërmjet 12-16 gradë Celsius, ndërsa maksimalet e ditës parashihen të lëvizin ndërmjet 21-28 gradë Celsius. Do të fryjë erë kryesisht nga veriperendimi e lehtë dhe lokalisht e fortë”, njofton IHMK.
Ekonomia Online ka siguruar pamje nga situata aktuale që po ndodh në Prishtinë, në lagjen “Bregu i Diellit”.