Ekspertët e skuadrës së bombave janë thirrur, pasi qytetet suedeze u tronditën nga katër shpërthime brenda një ore, ka thënë policia.
Policia në Gothenburg ka bërë të ditur se ka pranuar raportime për dy shpërthime në adresa të ndryshme, 10 minuta diferencë nga njëra-tjetra.
“Të dy vendet janë rrethuar dhe hetimet teknike janë duke vazhduar”, tha policia, duke shtuar se skuadra kombëtare e bombave ishte thirrur në vendngjarje, raporton “The Guardian”.
“Nuk raportohet për persona të lënduar, vetëm dëme materiale”, ka vijuar tutje policia.
Një orë më vonë u raportuan dy shpërthime të tjera me disa minuta – një në Norsborg, një dhe tjetri në Nyköping.
Të katër shpërthimet ndodhën në ndërtesa banimi.