Ndeshja e dytë e së enjtes, në Kampionatin Botëror ka filluar në mes Uruguait dhe Koresë së Jugut, pjesa e parë tashmë ka përfunduar me rezultat të barabartë 0:0.
Përfaqësuesja e Uruguait dhe e Koresë së Jugut kanë krijuar disa sulme drejt golit për të kaluar në epërsi por deri në gjysmën e ndeshjes nuk u shënua asnjë gol nga skuadrat në Kampionatin Botëror “Katar 2022”.
Qendërmbrojtësi, Diego Godin në minutën e 43-të ishte shumë afër për të shënuar golin e parë për skuadrën e tij Uruguai, por topi i shënjestruar me kokë qëlloi shtyllën.
Po ashtu, Korea e Jugut kishte një super mundësi në pjesën e parë të minutës së 34-të, pasi Moon-Hwan Kim e dërgoi topin në zonën e penalltisë dhe në rrugën e Ui-jo Hwang, i cili, nuk arriti të shënoj golin e gjuan topin mbi portën uruguaiane.
Edhe mbrojtësi i Uruguait, Mathias Olivera duke i pasuar sulmuesit Darvin Nunez, u munduan të shënonin por nuk u arrit as nga ana e tyre goli i parë.
Korea e Jugut ka pasur më shumë çaste të posedimit të topit, dhe dukej se ishte skuadra më e rrezikshme në këtë ndeshje.
Kujtojmë se jo shumë vende prodhojnë sulmues si Uruguai, pasi ndër sulmuesit më të fortë janë Luis Suarez, Darvin Nunez, Diego Forlan si dhe Edinson Cavani.
Kombëtarja e Uruguait do të luajë ndeshjen e radhës më 2 dhjetor kundër kombëtares ganeze.
Ndërsa, kombëtarja e Koresë Jugore ndeshjen e radhës do ta ketë më 2 dhjetor, kundër Portugalisë të Cristiano Ronaldos.