Katër persona të cilët kanë mbetur të plagosur në tragjedinë e djeshme në Cetinë janë shtruar në QKKG. Njëri prej tyre ndodhet në rrezik për jetën dhe njëherësh, në terapi intensive, ndërsa tre të tjerët janë jashtë rrezikut për jetën.
“Pas pranimit pacienti i dytë është trajtuar kirurgjik, ka lëndime në strukturat e trurit dhe strukturat kockore të kokës dhe kraharorit, i rrezikohet jeta dhe ndodhet në reanimacion qendror. Pacienti i tretë ka një dëmtim në pjesën e barkut, organet, kryesisht mëlçia, është trajtuar kirurgjik dhe është nën masat e terapisë dhe monitorimit të kujdesit intensiv, i cili është vendosur edhe në reanimacion. Pacienti i katërt ka lëndime në qafë, gjoks, frakturë e hapur e krahut të djathtë. Po ashtu është trajtuar në mënyrë operative dhe ende kërkon trajtim në repartin e kujdesit intensiv”, ka njoftuar QKKG.
Sipas Ivan Terziq, drejtori i spitalit, tre pacientë ndodhen në Repartin Qendror të Mjekimit Intensiv dhe njëherësh, po i nënshtrohen trajtimit të mëtejshëm intensiv pas operacioneve kirugjike, transmeton RTCG.
“Pacienti i parë ka lëndim dominues në kokë dhe është operuar dhe është në terapi të mëtejshme intensive. Pacienti i dytë ka lëndim dominues të mëlçisë dhe është operuar dhe është në terapi intensive. Pacienti i tretë ka lëndim në kokë dhe qafë, i hapur thyerja e krahut të djathtë është operuar dhe është në kujdes intensiv të mëtejshëm”, tha Terziq.
Ai tha se pacientët e parë kanë filluar të mbërrijnë në atë spital dje rreth orës 16:00.
“Për fat të keq, mes tyre ishin dy persona të cilët u shpallën të vdekur pas pranimit. Tre pacientë janë transportuar në QKKG ”, tha Ivanoviq.
Të premten e 12 gushtit në Cetinë të Malit të Zi, një 34-vjeçar ka qëlluar me armë në drejtim të disa personave dhe më pas është vrarë nga policia, siç raporton media malazeze, Vijesti.
Sipas mediave malazeze, 11 persona kanë mbetur të vdekur përfshirë këtu edhe fëmijë.