Policia e Kosovës ka bërë të ditur se një person është arrestuar në Prizren pasi dyshohet se sulmoi me sëpatë një tjetër.
Sipas raporit 24-orësh të Policisë, viktima është dërguar në spital teksa i dyshuari në mbajtje, njofton Dukagjini.
“Është arrestuar i dyshuari mashkull kosovar pasi që i njëjti dyshohet se ka sulmuar viktimën mashkull kosovar. Viktima është dërguar në tretman mjekësor. Në vendngjarje në cilësi të provës materiale është gjetur dhe konfiskuar një sëpatë e cila dyshohet se është përdorë në rast. I dyshuari me vendim të prokurorit është dërguar në mbajtje”, thuhet në raportin policor.