Kryeministri britanik, Rishi Sunak dhe presidenti francez, Emmanuel Macron kanë theksuar nevojën e dërgimit të mbështetjes urgjente humanitare në Gazën e shkatërruar nga lufta.
Këtë e ka bërë të ditur qeveria e Mbretërisë së Bashkuar, shkruan Al Jazeera.
Një zëdhënës i Downing Street ka thënë se pas operacioneve të zgjeruara tokësore të Izraelit, të dy udhëheqësit në një telefonatë shprehën “shqetësimin e tyre të përbashkët për rrezikun e përshkallëzimit në rajonin më të gjerë”.
Ndryshe, pak më parë është raportuar se ka pasur edhe protesta në qytetin e Madridit të Spanjës në mbështetje të palestinezëve.
Gjithashtu, mijëra protestues në Athinë të Greqisë kanë kërkuar ndalimin e “masakrës së Gazës”.
“Më shumë se 5,000 njerëz kanë protestuar në Athinë”, ka thënë policia greke, duke bërë thirrje për t’i dhënë fund “masakrës” së palestinezëve në Rripin e Gazës.
“Ne po luftojmë për paqen e njerëzve”, ka cituar agjencia e lajmeve të Athinës të cilët thërrisnin me zë të lartë.
“Ndaloni masakrën e popullit palestinez në Gaza”, thanë ata.
