Supa me roshnica është një gatim i përshtatshëm për të gjitha vaktet, “agroweb” e sjellë këtë recetë.
Përbërësit
200g roshnica
Gjysmë pule
1 karotë
1 spec
1 degë selinoje
Lëngu i një kokrre limoni
Dy lugë gjelle vaj ulliri
Kripë
Piper i zi
Përgatitja
Në një tas hidhni gjashtë lugë miell dhe pak kripë, përzieni me dy të verdha vezësh dhe shtojini tek mielli, pastaj përzjejini miellin me vezët. Bëjeni këtë proces derisa i gjithë mielli të shndërrohet në kokrriza të vogla dhe më pas, vendosini roshnicat në një tavë që të pushojnë për 20 minuta.
Ndërkohë vazhdoni me përgatitjen e recetës duke vënë mishin e pulës që të ziejë dhe kur mishi i pulës të jetë zbutur hiqeni nga tenxherja dhe vendoseni në një pjatë. Pastaj, hidhni perimet për të zierë, duke i spërkatur me pak kripë.
Hidhni gjithashtu edhe vajin e ullirit që nevojitet dhe lërini të ziejnë. Nga ana tjetër, filloni të ndani në fije mishin e pulës dhe shtojeni përsëri në tenxhere. Shtoni piperin e zi sipas dëshirës dhe lëreni të ziejë në zjarr të ngadaltë.
Herë pas here përziejeni supën, kështu roshnicat nuk do të bien në fund të tenxheres dhe të ngjiten. Nëse dëshironi mund t’i shtoni edhe pak qumësht për ta trashur lëngun e supës pak më shumë. Kur supa të jetë zierë mjaftueshëm, largojeni nga zjarri dhe lëreni të ftohet pak e më pas shërbejeni duke spërkatur me majdanoz ose pak gjalpë të shkrirë.
Ju bëftë mirë!