Sveçla: Përveç në Jarinjë dhe Bërnjak, në pikat e tjera po vazhdon lëshimi i dokumentit për hyrje-dalje

Ministri i Punëve të Brendshme, Xhelal Sveçla, ka bërë të ditur se në të gjitha pikat kufitare po vazhdon pajisja me dokumentin hyrje-dalje, përveç në Jarinjë e Bërnjak. Ai ka bërë të ditur se deri më tani në këto pika janë lëshuar, gjithsej, 1501 dokumente

Ministri i Punëve të Brendshme, Xhelal Sveçla

Ministri i Punëve të Brendshme të Kosovës, Xhelal Sveçla, ka bërë të ditur se është duke vazhduar lëshimi i dokumentit për hyrje-dalje në të gjitha pikat kufitare, përvec atyre në Jarinjë dhe Bërnjak.

Këtë e ka bërë të ditur përmes një postimi në llogarinë e tij në Facebook, duke thënë se deri më tash janë lëshuar 1 mijë e 501 dokumente gjithsej.

May be an image of text

Në Merdar janë, gjithsej, 295 dokumente, në Multivodë 30, te Dheu i Bardhë janë lëshuar 607 dokumente, në Muqibabë 396, Stanqiq 21, Hani i Elezit 31, Vërmicë 63, Kulla Pejë 55 dhe në Qafë Morinë 3.

Ndërkaq, me kërkesën e ambasadorit të ShBA-së, Jeff Hovenier, Qeveria e Kosovës e ka shtyrë vendimin për reciprocitet me targa dhe për dokumente të indentifikimi deri në datën një shtator.

Ndërsa, të hënën janë larguar të gjitha barrikadat e vendosura në pikat kufitare të veriut.

Po ashtu, RTV Dukagjini ka siguruar pamje në pikën kufitare Dheu i Bardhë, ku po vazhdon zbatimi i masës së reciprocitetit për pajisje me dokumentin hyrje-dalje, i cili ka afat vlefshmërie 90 ditë brenda territorit të Republikës së Kosovës.

Në pikën kufitare Dheu i Bardhë vazhdon implementimi i dokumenteve të reciprocitetit (VIDEO)

Shija e redaktorit

Fillon shitja e teksteve shkollore për vitin 2025/2026 nga shtëpia...

Shtëpia botuese “Dukagjini” ka nisur zyrtarisht shitjen e teksteve shkollore për vitin e ri shkollor 2025/2026. Prindërit, mësimdhënësit dhe nxënësit tani mund t’i gjejnë...

50 autoblinda për Kosovën, Ambasada amerikane: Tjetër hap në angazhimin...

Të premten është mbajtur ceremonia e pranim-dorëzimit të autoblindave të reja të prokuruara nga Shtetet e Bashkuara të Amerikës për Forcën e Sigurisë së...

Klinika e Onkologjisë dhe Emergjenca e QKUK-së përfitojnë donacion pajisjesh...

Klinika e Onkologjisë dhe shërbimi i Emergjencës në Qendrën Klinike Universitare të Kosovës kanë pranuar një donacion të ri pajisjesh mjekësore nga organizata joqeveritare...

Të fundit nga rubrika