Ministri i Punëve të Brendshme Xhelal Sveçla, ka pritur ndërrimin e motmoti në pikën e kontrolli policor në urën e Bistricës së bashku me zyrtarët policor që ishin ne detyrë.
Bashkë me Sveçlen ishte edhe ministri, Liburn ALiu.
“Ndjenjë e veçantë gëzimi e krenarie që ndërrimin e motmotit e pritëm në pikën e kontrollit policor në Urën e Bistricës, bashkë me zyrtarët policor që ishin në detyrë dhe me Ministrin Liburn Aliu me të cilin kemi pasur bashkëpunim intenziv në vitin që lamë pas”, ka shkaru Sveçla në Facebook.
Ai bëri të ditur se para kësaj vizite në Bistricë, janë mbledhur në Mitrovicë me pjesëtarët e të gjitha Njësiteve që ishin në detyrë.
“Para kësaj vizite në Bistricë, u mblodhëm në Mitrovicë me pjesëtarët e të gjitha Njësiteve që ishin në detyrë, për të festuar vitin e ri ndërsa vazhduam vizitat edhe në stacionet policore në Jasenovik, në Koshtovë dhe në Stacionin e Ndërhyrjes së Shpejtë të Kufirit në Jarinje”, ka shtuar ai.
Svecla tha se ndjehet jashtëzakonisht i lumtur që u përmbyll edhe në vit i suksesshëm e më përplot sfida në dikasterin që udhëheq.
“Ndjehem jashtëzakonisht i lumtur që përmbyllëm një vit me suksese të shumta ndonëse të sfiduar jo rrallë herë. Do të vazhdojmë punën e angazhimin tonë me vullnet e përkushtim për të kryer me nder e profesionalizëm misionin tonë të përbashkët që kemi për Republikën dhe për qytetarët tanë”.