Përmes një postimi, ambasadori i Bashkimit Evropian në Kosovë, Tomáš Szunyog, ka bërë të ditur se e mirëpret gatishmërinë e kryeparlamentarit Konjufca të konsultohet me Komisionin e Venecias për ndryshimet e rishikuara në Ligjin për KPK-në.
Ai ka thënë se pajtueshmëria me standardet evropiane është “prerogativë kryesore” në zbatimin e reformave.
“E mirëpres gatishmërinë e kryeparlamentarit Glauk Konjufca, të konsultohet me Komisionin e Venecias për ndryshimet e rishikuara në Ligjin për KPK. Pajtueshmëria me standardet evropiane është prerogativë kryesore në zbatimin e reformave”, ka shkruar Szunyog.
🧵 I welcome the readiness of Speaker @KonjufcaGlauk to consult Venice Commission on the revised amendments to the Law on KPC. Compliance with European standards is key prerogative in implementing reforms.
— Ambassador Tomáš Szunyog (@EUAmbKS) July 30, 2023
“Rekomandimet e Komisionit të Venecias duhet të zbatohen plotësisht në finalizimin e kësaj nisme të rëndësishme ligjore”, ka shkruar tutje ai.
Venice Commission recommendations should be fully implemented in finalizing this important legal initiative.
— Ambassador Tomáš Szunyog (@EUAmbKS) July 30, 2023
Kryekuvendari Glauk Konjufca ka dërguar në Komisionin e Venecias Projektligjin për Këshillin Prokurorial të Kosovës.
Në njoftim për media bëhet me dije se Konjufca ka kërkuar opinion për projektligjin në tërësi.
“Duke qenë se drafti ka pësuar ndryshime që nga vlerësimi i Komisionit të Venecias, kryetari Konjufca ka kërkuar opinion për projektligjin në tërësi, duke e konsideruar si vendimtare në arritjen e objektivit për reformim të Këshillit Prokurorial të Kosovës dhe adresimit të shqetësimeve dhe çështjeve të ngritura më parë”, thuhet në njoftim.