Ambasadori i Bashkimit Evropian në Kosovë, Tomas Szunyog ka dënuar sulmet ndaj gazetarëve, respektivisht ndaj ekipit të transmetuesit publik RTK dhe TEVE1.
“Akte të tilla të tmerrshme dhune janë të papranueshme”, shkruan Szunyog.
Ai ka thënë se gazetarët duhet të lejohen të bëjnë punën e tyre në një mjedis të sigurt.
“Të lënduarve u uroj shërim të shpejtë!”, ka shkruar tutje ai.
I strongly condemn attacks on @rtklivecom & #TEVE1 crews today in Leposavic. Such appalling acts of violence are unacceptable. Journalists must be allowed to do their work in a safe environment. I wish the injured a speedy recovery!
— Ambassador Tomáš Szunyog (@EUAmbKS) June 16, 2023
Gjatë kësaj të premteje grupet kriminale kanë sulmuar gazetarët që po qëndronin pranë komunës së Leposaviqit.
Në pamjet e siguruara nga Dukagjini, shihen gazetarët duke ikur, teksa pjesëtarët e KFOR-it i pengojnë që të largohen nga grupet kriminale serbe që po i sulmonin me gurë dhe shok-bomba.