Ambasadori i Bashkimit Evropian, Tomas Szunyog, ka reaguar lidhur me sulmin ndaj Polcisë së Kosovës në Banjskë të Zveçanit, ku si pasojë u vra një polic e u plagos një tjetër.
Szunyog duke shpërndarë reagimin e përfaqësuesit të lartë për politikë të jashtme, Josep Borrell, e ka quajtur sulmin “të tmerrshëm”, duke shtuar se ai është organizuar nga një bandë e armatosur kundër policëve të Kosovës.
“Lexoni deklaratën e HR/VP @JosepBorrellF për sulmin e tmerrshëm nga një bandë e armatosur kundër policëve të Kosovës në Banjskë në veri të Kosovës. Ngushëllimet e mia të përzemërta familjes, kolegëve dhe të dashurve të punonjësit të policisë që humbi jetën në krye të detyrës”, ka shkruar ambasadori i Bashkimit Evropian, Tomas Szunyog.
Read the statement by HR/VP @JosepBorrellF on the hideous attack by an armed gang against Kosovo Police officers in Banjska/Banjskë in the north of Kosovo. My heartfelt condolences to the family, colleagues & loved ones of the police officer who lost his life in the line of duty. https://t.co/A5LkS4vegI
— Ambassador Tomáš Szunyog (@EUAmbKS) September 24, 2023