Shefi i Grupit Parlamentar nga radhët e Partisë Demokratike të Kosovës (PDK), Abelard Tahiri, në seancën e 7 tetorit në Kuvendin e Kosovës ka thënë se ka pranuar një telefonatë nga një bashkatdhetar në Francë sipas të cilit në një revistë në Francë, të quajtur “Petit Fute“, Kosova është promovuar si vend ku kanë lindur manastiret madhështore të Kishës Ortodokse Serbe.
“Kosova ka qenë tokë bizantine, ku lindën manastiret madhështore ortodokse serbe”, ka cituar Tahiri.
Ai ka thënë se nga taksat e deputetëve të sponsorizohet nga ana e Qeverisë në një revistë të tillë dhe të promovohet Kosova si një vend që kanë lindur manastiret serbe është doktrinë e Serbisë.
“Është doktrinë zyrtare e Serbisë, promovim i Vuçiqit”, ka thënë ai.
Sipas tij, duhet të ketë dorëheqje morale të ministrit të Industrisë, Ndërmarrësisë dhe Tregtisë që promovon Kosovën në mënyrë të tillë.
