Ish-kryenegociatorja për dialogun me Serbinë, Edita Tahiri, ka kritikuar vizitën e kryeministrit të Kosovës, Albin Kurti, në Shtetet e Bashkuara të Amerikës.
Ajo e përshkroi këtë vizitë si më shumë një fushatë politike sesa një angazhim diplomatik.
Në një postim në Facebook, Tahiri theksoi se vizita e Kurtit nuk rezultoi me asnjë njohje të re për Kosovën, duke theksuar se gjatë viteve të fundit, nën qeverisjen e Kurtit, vendi nuk ka arritur të sigurojë asnjë njohje të re ndërkombëtare.
“Kreu i shtetit beri fushate politike ne Amerike dhe jo fushate diplomatike- nuk solli asnjë njohje- prej se kemi këtë qeveri nuk ka ardh asnjë njohje për Kosoven- vendnumërim i papare!”, ka shkruar Tahiri në Facebook.