Elon Musk ka thënë se ai dhe shefi i Apple, Tim Cook, e kanë “zgjidhur keqkuptimin”, lidhur me heqjen e mundshme të Twitter nga dyqani i aplikacioneve.
Të hënën, Musk ka akuzuar Apple se kërcënoi se do ta ndërpresë platformën nga dyqani i aplikacioneve, duke thënë se kishte ndaluar shumicën e reklamave të saj në faqe.
Por, shefi i Twitter-it shkroi të mërkurën se “Tim e kishte të qartë se Apple kurrë nuk e kishte menduar ta bënte këtë.”
Ai nuk tha nëse reklamat e Apple u diskutuan në takim.
Takimi midis dy liderëve të teknologjisë vjen pasi shumë kompani kanë ndalur shpenzimet në Twitter, për shkak të shqetësimeve në lidhje me planet e z. Musk, për moderimin e përmbajtjes për faqen që ishte një goditje e madhe për kompaninë, e cila mbështetet në shpenzime të tilla për shumicën e të ardhurave të saj.
Duke u futur në një grindje të hënën, Musk akuzoi Apple për “censurë” dhe kritikoi politikat e saj, duke përfshirë tarifën që vendos për blerjet e bëra në dyqanin e saj të aplikacioneve.
“Apple ka ndaluar kryesisht reklamat në Twitter. A e urrejnë fjalën e lirë në Amerikë?”, ka thënë ai.
Por më vonë, ai u tha ndjekësve të tij se po takohej me z. Cook në selinë e Apple, duke shtuar “Bisedë e mirë. Ndër të tjera, ne zgjidhëm keqkuptimin rreth heqjes së mundshme të Twitter nga App Store. Tim e kishte të qartë se Apple nuk e kishte menduar kurrë ta bënte këtë”.
Trazira me Apple, Musk pretendon të luftojë për lirinë e fjalës