Kryeministri i Kroacisë, Andrej Plenkoviq, ka njoftuar se në margjina të Forumit Ekonomik Botëror në Davos, është takuar me kryeministrin e Kosovës, Albin Kurti.
Plenkoviq, me anë të një postimi në platformën “X”, ka shkruar se me Kurtin kanë biseduar për situatën në rajon.
“Me kryeministrin e Kosovës, Albin Kurti, diskutova për situatën në rajon. E përgëzova për heqjen e regjimit të vizave, si dhe i shpreha mbështetjen tonë për anëtarësimin në Këshillin e Evropës dhe në rrugën drejt BE-së”, ka shkruar Plekonviq.
Kryeministri korat tutje ka shtuar se Kroacia dhe Kosova do të vazhdojnë me forcimin e bashkëpunimit ekonomik.
S predsjednikom Vlade Kosova @albinkurti raspravio sam o situaciji u susjedstvu. Čestitamo na ukidanju viznog režima i izražavamo podršku za članstvo u @coe, kao i na
putu prema EU. Nastavljamo jačati gospodarsku suradnju 🇭🇷🇽🇰! #wef24 pic.twitter.com/xMBWiBZseo— Andrej Plenković (@AndrejPlenkovic) January 17, 2024
Ndryshe, kryeministri i Kosovës, Albin Kurti, në kuadër të Forumit Ekonomik Botëror në Davos, është takuar me ndihmëssekretarin amerikan të Shtetit për Evropën dhe Euroazinë, James O’Brien.
Gjatë takimit, Kurti tha se O’Brien ka shprehur vlerësimin për përparimin ekonomik dhe demokratik të Kosovës.
Po ashtu, kreu i ekzekutivit tha se Brien ka pranuar përmbajtjen e Kosovës përballë sulmeve dhe provokimeve nga ana e Serbisë.
Ai theksoi se SHBA-ja mbet një aleat i çmuar për Kosovën, teksa shton se pret bashkëpunim të vazhdueshëm.