Të enjten e 22 shtatorit, Komuna e Prishtinës ka njoftuar se në nder të ditës ndërkombëtare pa makina, të gjithë qytetarët që shfrytëzojnë transportin publik “Trafiku Urban” do të lirohen nga pagesa.
“Qasja në transportin publik promovon dhe siguron lirinë e lëvizjes për të gjithë, pa pasur nevojë të varemi nga statusi i pronësisë së automjeteve”, thuhet në njoftim.
Nuk është kjo hera e parë që Komuna e Prishtinës mundëson transportin publik falas për qytetarët.
Gjatë testimit të qarkores njëkahëshe, më 21 dhe 22 maj të vitit 2022, transporti me Trafikun Urban në Prishtinë, ishte falas për të gjithë qytetarët.
Gjithashtu, një testim të tillë komuna e kishte bërë edhe më 23 dhe 24 prill.
Sipas tyre, kjo po bëhet me qëllimin për t’i liruar rrugët e kryeqytetit nga qarkullimi i madh i veturave.