Të mërkurën e 28 dhjetori, Japonia ka regjistruar rreth 415 vdekje nga COVID-19, numri më i lartë ndonjëherë për një ditë të vetme në këtë vend, kështu kanë treguar të dhënat e Ministrisë së Shëndetësisë japoneze, shkruan agjencia e lajmeve Reuters.
Vendi numëroi 216.219 raste të reja me COVID-19, 4% më shumë nga një javë më parë, duke iu afruar nivelit rekord prej rreth 260 mijë raste në ditë në gusht.
Ndryshe, në shtatë ditët e fundit, Japonia kishte infeksionet më të mëdha të konfirmuara në botë me COVID-19, dhe më së shumti vdekje pas Shteteve të Bashkuara, kështu kishte treguar raporti nga Organizata Botërore e Shëndetësisë (OBSH).
Ndërkaq, Kina dyshohet se e ka trendin edhe më të rëndë, por shifrat nuk raportohen të sakta.