Policia e Kosovës ka bërë të ditur se ka pasur të shtëna me armë në rrugën Llapnasellë – Graçanicsë.
Këtë e ka konfirmuar për Dukagjinin zëdhënësja e Policisë për rajonin e Prishtinës, Flora Ahemti, e cila ka bërë të ditur se nuk raportohet për të lënduar.
“Rreth orës 15:00, policia ka marrë informatën për të shtëna me armë në rrugën Llapnasellë -Graçanicë.
Menjëherë pas marrjes së informatës, policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen. Bazuar në informacionet fillestare nuk raportohet për persona të lënduar”, ka njoftuar Ahmeti.
Ahmeti më tej ka bërë të ditur se dy persona të dyshuar në lidhje me rastin janë shoqëruar në stacion.
“Deri tani në stacion policor janë shoqëruar në stacion dy persona, të cilët dyshohet se kanë qenë të përfshirë. Aktualisht, hetuesit policorë në koordinim me prokurorin e shtetit po ndërmarrin veprimet e nevojshme për zbardhjen e rastit”, ka njoftuar më tej.