Të shtëna me armë janë raportuar në zonën e “Ujit të Ftohtë” në qytetin e Vlorës.
Sipas informacioneve paraprake, në ngjarjen që ka ndodhur mesditen e së dielës mësohet se një person ka qëlluar me armë zjarri në ajër pas një konflikti të çastit për motive të dobëta.
Nuk raportohet për persona të lënduar mirëpo thuhet se motivi i përplasjes kishte qenë hapësira e shfrytëzuar për plazhe private.
Në vendngjarje, është arrestuar vetëm një i dyshuar, i afërm i gjuajtësit me armë.
Policia ka ngritur pika kontrolli.
Kjo nuk është e vetmja ngjarje e ndodhur në Shqipëri lidhur me këtë motiv.
Rreth një javë më parë, një tjetër përplasje me armë u regjistrua në Radhimë pas sherrit për menaxhimin e një plazhi privat.