Në periferi të Çikagos, përkatësisht në Highland Park, parada u ndërpre vetëm dhjetë minuta pasi filloi, pasi u dëgjuan të shtëna me armë.
Policia është ende në kërkim të të dyshuarit, të cilin komandanti i policisë, O’Neill e përshkroi si një burrë të bardhë mes moshës 18-20 vjeç, dhe bëri të ditur se i dyshuari duket se ka qëlluar nga një çati.
Autoritetet e qytetit e përshkruan këtë incident si “incident aktiv” pasi edhe 31 persona ishin shtruar në spital.
Një gazetar kishte parë pesë njerëz të larë në gjak.
“Dëgjova 20 deri në 25 të shtëna, të cilat ishin të njëpasnjëshme. Kështu që nuk mund të ishte thjesht një pistoletë apo një armë gjahu,” ka thënë një qytetar nga Çikago, Miles Zaremski.
Gjithashtu një dëshmitar që kishte qenë i pranishëm në vend të ngjarjes, ka folur për televizionin lokal, duke treguar se i drhyshuari filloi të gjuante nga ana e majtë e tyre.
Kryebashkiaku i Parkut Highland tha se festivali ishte anuluar dhe u kërkoi njerëzve të shmangnin zonën në qendër të qytetit.
Të shtënat në Parkun Highland, rreth 25 milje në veri të Çikagos, shkaktuan largimin e qindra qytetarëve nga vendi.
Just arrived in Highland Park. Emergency crews bringing some of the injured here after a shooting at the Highland Park 4th of July parade. This man told me a bullet graced his foot. @nbcchicago pic.twitter.com/a2BZjOpXye
— Sandra Torres (@SandraTorresNBC) July 4, 2022